- انا انسان:
انا انسان مالوش احساس وبعمل كل شئ ممنوع
وقلبى كأنه خيط اسود ومن كل إتجاه مقطوع
واكتر حاجه تعبانى إن انا حابب الموضوع
عايش عمال أستقوى على الرغم إنى حد ضعيف
بقيت فى القسوه شخصية بجد غنية عن التعريف
انا مش راضى عن نفسى ونفسى بجد أبقى نضيف
ومن كتر إللى جوايا .. كل ما أبص فى مراية
اخاف على نفسى من نفسى .. كأنى قصاد واحد تانى
اغمض عينى واتدارى .. يا الف خساره وخساره
بقيت كل ما اشوف نفسى .. احس بحاجه خنقانى
مين هيطمنلى وانا بالقسوة ديا
نفسى أبطل اشوف فى عين الكل خوف
مابقتش عارف بس اجيب العيب عليا
ولا اجيب العيب على الناس والظروف
